पावन

मारू सैतान सारे
झेलू बाणांचे तारे
घेऊ शपथ शिवाची
घोडखिंड लढवा रे

ऋण फेडाया मातेचे
हाती तलवार घ्या रे
वाचविण्या या धर्माला
म्लेंच्छावर तुटून पडा रे

झाले भगदाड जिवाला
त्यात शिवराय पाहा रे
रक्ताचे सिंचन करूनी
त्यात स्वराज्य उगवा रे

संपली जरी ही शक्ती
लढतो बाजी कसा रे ?
शब्द दिला शिवबाला
तो फक्त आता पाळा रे

गाठला गड शिवबानी
तोफांचे झाले इशारे
कोसळून बाजी खिंडीत
पावन होवून गेला रे

© गंधार कुलकर्णी